ﮔﻨﺎﮬﻮﺍﮞ ﺩﺍ ﮈﺭ ﻧﮧ ﺛﻮﺍﺑﺎﮞ ﺩﮮ ﺭﻭﻟﮯ
ﻧﮧ ﮐﻮﺋﯽ ﭘﺮﺩﺍ ﺩﺍﺭﯼ ﺣﺠﺎﺑﺎﮞ ﺩﮮ ﺭﻭﻟﮯ
ﻧﮧ ﺳﻨﮕﺘﺎﮞ ﺩﮮ ﻭﭺ ﮐﻮﺋﯽ ﺣﺴﺎﺑﺎﮞ ﺩﮮ ﺭﻭﻟﮯ
ﺗﻌﺒﯿﺮﺍﮞ ﺩﯼ ﭼﻨﺘﺎ ﻧﮧ ﺧﻮﺍﺑﺎﮞ ﺩﮮ ﺭﻭﻟﮯ
ﺍﻭﮦ ﻗﻠﻤﺎﮞ ﺩﻭﺍﺗﺎﮞ ﮐﺘﺎﺑﺎﮞ ﺩﺍ ﻭﯾﻼ
ﺍﻭﮦ ﺑﭽﭙﻦ ﮬﺎ ﺭﺍﭨﮭﺎﮞ ﻧﻮﺍﺑﺎﮞ ﺩﺍ ﻭﯾﻼ
ﺩﻭﺍﺗﺎﮞ ﺩﮮ ﮈﻭﺑﮯ ﺩﯼ ﻭﻗﺘﯽ ﻟﮍﺍﺋﯽ
ﺍﻭﮦ ﺍﻧﮕﻠﯿﮟ ﭘﮭﺴﺎ ﮐﮯ ﺗﮯ ﮐﺮﻧﮍﯼ ﺭﺳﺎﺋﯽ
ﺍﻭﮦ ﻧﮩﺮﺍﮞ ﺩﺍ ﺩﮬﺎﻭﻧﮍ ﺗﮯ ﭼﮭﭙﻨﮍ ﭼﮭﭙﺎﺋﯽ
ﺗﺮﻧﮕﮍﯼ ﺩﮮ ﮐِﮭﺪﻭ ﺩﯼ ﻣﺎﺭﻧﮍ ﮐﭩﺎﺋﯽ
ﺑﮯ ﻣﻘﺼﺪ ﺳﻮﺍﻻﮞ ﺟﻮﺍﺑﺎﮞ ﺩﺍ ﻭﯾﻼ
ﺍﻭﮦ ﻗﻠﻤﺎﮞ ﺩﻭﺍﺗﺎﮞ ﮐﺘﺎﺑﺎﮞ ﺩﺍ ﻭﯾﻼ
ﺍﻭﮦ ﺑﭽﭙﻦ ﮬﺎ ﺭﺍﭨﮭﺎﮞ ﻧﻮﺍﺑﺎﮞ ﺩﺍ ﻭﯾﻼ
ﺍﻭﮦ ﺑﺎﺑﮯ ﺩﺍ ﻋِﻠﺘﺎﮞ ﺗﮯ ﺟﮭﻨﮍﮐﺎﮞ ﺳﻨﺎﻭﻧﮍ
ﺍﻭﮦ ﺳﺎﮈﮮ ﺭُﺳﯿﻮِﯾﮟ ﺗﮯ ﻣﻮﮈﺍﮞ ﺑﻨﺎﻭﻧﮍ
ﺍﻭﮦ ﺍﻣﺎﮞ ﺩﺍ ﭼﻢ ﭼﻢ ﮐﮯ ﺳﺎﻧﻮﮞ ﻣﻨﺎﻭﻧﮍ
ﺍﻭﮦ ﺟﮭﻮﻟﯽ ﭺ ﭘﺎﻭﻧﮍ ﺗﮯ ﮔﻞ ﻧﺎﻝ ﻻﻭﻧﮍ
ﺍﻭﮦ کملا ﮬﺎ
ﺳﺠﺮﮮ
ﮔﻼﺑﺎﮞ ﺩﺍ ﻭﯾﻼ
ﺍﻭﮦ ﻗﻠﻤﺎﮞ ﺩﻭﺍﺗﺎﮞ ﮐﺘﺎﺑﺎﮞ ﺩﺍ ﻭﯾﻼ
ﺍﻭﮦ ﺑﭽﭙﻦ ﮬﺎ ﺭﺍﭨﮭﺎﮞ ﻧﻮﺍﺑﺎﮞ ﺩﺍ ﻭﯾﻼ

مھر فرقان